Informations complémentaires :
envoya querir me Raoul Guiot, notaire et secretaire dud. sr contrerolleur de l'audience de la chancellerie de France, et en parlant avec luy, present me Pierre Gaultier, receveur d'Argentan, led. sr general luy dist que le Roy vouloit et entendoit que led. Guiot prinst la charge et peine de veoir, gecter, calculer et veriffier en abregé l'estat au vray du contenu és comptes de feu me Pierre Le Royer, en son vivant receveur des impostz et fouaiges et miseur des oeuvres et reparacions des fortes places et chasteaulx du pays et duchié de Bretaigne, pour le temps dont led. feu me Pierre Le Royer avoit à compter, qui gisoient en grosse difficulté, et que led. sr voulloit avoir congnoissance et scavoir au vray ce que luy povoit estre deu de reste desd. comptes, pour soy en ayder, pour ce que on luy avoit donné à entendre que led. Le Royer estoit demouré redevable envers luy en grosses sommes de deniers.
Pour quoy faire, led. sr general bailla chambre aud. Guiot en sond. logis, où il vacquoit continuellement (jour et nuict) sans besongner ne vacquer en autre affaire, luy et ung sien clerc, enfermé en lad. chambre sur le devant dud. logis, par longue espace de temps, et, ce faict, feist de tout son rapport, qu'il bailla aud. sr general.
Et le scait pour ce qu'il alloit et venoit souvent avec led. sr general et led. contrerolleur pendant le temps qu'il y besongnoit, et mengeoient ensemble avec led. sr general.
Et y fut par bien long temps, duquel il ne scavoit pour le present certainement parler.
Et que tost aprés, et sond. rapport faict dud. affaire, il partit de ceste ville de Paris et alla en Bretaigne, où il demoura quatre ou cinq moys à la poursuyte de la vidange des comptes dud. Le Royer, pendant lequel temps il ne prinst aucunes bourses ne droitz de son office en la chancellerie, pource que l'ordonnance est telle que l'on ne prend riens absent, delaissa sa praticque et y eut grosse perte..., et le scait led. depposant parce qu'il le laissa pour son commis à la chancellerie, à Paris, durant son absence, qui fut, ainsi que luy semble, de quatre à cinq moys...'.
Origine de l'information :
Ernest Coyecque, Recueil d'actes notariés relatifs à l'histoire de Paris et de ses environs au XVIe siècle [étude XXXIII], t. I, 1498-1545 [3608 actes], Paris, 1905, p. 190, notice n° 934 (instrument de recherche imprimé dématérialisé dont la version intégrale est accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
2010-2012 Date de révision :
2009 Date de création de la notice :
