{ N4 no 1993/2041 (1542, 22 février ) : Association de Jean Gallois, laboureur, à Ivry-sur-Seine, au contrat précédent. { N4 no 1992/2040 (1541, 16 août ) : Pierre Noblet le jeune, Guillaume Le Lièvre et Regnault Noblet, laboureurs, à Ivry-sur-Seine, 'promectent... l'ung d'eulx à l'autre de eulx entremectre ensemblement, pendant leurs vies et qu'ilz seront en santé, par chascune année, ou temps d'yver, commancant du jour de Toussains et finissant jusques au jour de Karesme prenant,... au faict et estat de la chasse de l'ahnée, pour prandre vanneaulx, plumyers, allouettes et autres menuz oyseaulx, non deffenduz, sans ce que pendant led. temps il se pussent meslerne entremectre en autre chose, mais y serviront l'ung l'autre, avecques cinq autres hommes, telz qu'il leur plaira prandre et eslire, du consentement l'ung de l'autre.

Et pour ce faire se nourriront chascun sur sa bourse, et à ce faire ilz seront tenuz estre soigneusement et tellement qu'ilz ne soient oysifz l'ung plus que l'autre.

Aussi de ce qu'ilz prendront et de tout le prouffict qui en pourra provenir, ilz en auront et prendront chascun son esgalle porcion et autant l'ung comme l'autre.

Et à chascune prinse en feront partaige entre eulx, si bon leur semble, pour de sa part en faire par chascun d'eulx ce que bon luy semblera.

Et oultre a esté accordé entre lesd. parties qu'elles et les autres cinq hommes qui seront prins par eulx..., seront tenuz de faire ung harnoys tout neuf, pour servir aud. estat, à despens communs, dedans le jour Sainct Remy prochainement venant.

Et s'il advenoit que l'ung d'eulx estant aux champs pour le faict de ce que dict est, cheust en malladie, que Dieu ne veille, et que à ce moyen il ne peust vacquer oud. affaire, neantmoins sera participant au prouffict de ce que les autres pourront prandre pendant les premiers quatre jours et par esgalle porcion, tout ainsi comme s'il y estoit present.

Oultre a esté accordé entre eulx que où led. Le Lievre ne vacqueroit oud. affaire, en ce cas se pourra ayder de la sentence qu'il a obtenue contre Pierre Noblet, pour raison de ce que dict est, ouquel cas ces presentes demourront nulles en tant que touche lesd. Le Lievre et Pierre Noblet.

Et si seront tenuz lesd. Le Lievre et Regnault Noblet payer par chascune année, en despense de bouche, entre eulx, chascun cinq solz tournois aud. Pierre Noblet, touteffoys que bon luy semblera...'. }}

Ernest Coyecque, Recueil d'actes notariés relatifs à l'histoire de Paris et de ses environs au XVIe siècle [étude XXXIII], t. I, 1498-1545 [3608 actes], Paris, 1905, p. 388, notice n° 2042 (instrument de recherche imprimé dématérialisé dont la version intégrale est accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).

2010-2012 Date de révision :

2009 Date de création de la notice :