Informations complémentaires :
... laquelle muraille lesd. de Sainct Bénard maintenoient entièrement leur apartenir, comme ayant esté édiffiée par lesd. de Sainct Bernard, sans que lesd. de Sainct Victor ny autres y puissent prétendre aucung droict, et néantmoings lesd. de Sainct Victor disoient que, selon les us et coustumes de la ville de Paris, les murailles qui se font entre les héritaiges de deux voisins, sont repputées moictoyennes, et peult celuy qui n'auroit contribué à la confection dud. mur, soy en ayder et le haulser, en payant la moictié de la valleur d'icelle muraille ja bastie, et que on veoit à veue d'?il que led. mur contencieulx est entre les héritaiges des parties, parce que le lieu et allée où souloit passer le ru de Bièvre, depuis lad. abbaye Sainct Victor jusques à la rue Sainct Nicolas du Chardonneret a tousjours apartenu et apartient ausd. de Sainct Victor en toute propriété, avec toute haulte justice, moyenne et basse, en auroient tousjours joy par eulx et leurs preneurs des maisons estans au long et sur led. ru de Bièvre.
Et qui plus est, le lieu où est construict et édiffié led. collége... auroit esté anciennement baillé par les prédécesseurs desd. de Sainct Victor... Finablement... auroient dud. différend, qui est bien petit, accordé... que lesd. de Sainct Victor puissent faire haulser, à leurs despens, led. mur... et en joyr ainsi à tousjours... sans jamais que eulx ou leursd. successeurs y puissent contrevenir, ains demourera comme mur moictoyen....
Touteffoys, où lesd. de Sainct Bernard vouldroient bastir et édiffier sur et contre led. mur, faire le pourront et ne seront, oud. cas, tenuz de payer aucune chose de ce qui se trouvera lors faict et basty oud. mur...'.
Origine de l'information :
Ernest Coyecque, Recueil d'actes notariés relatifs à l'histoire de Paris et de ses environs au XVIe siècle [étude XXXIII], t. II, 1532-1555 [3002 actes], Paris, 1923, p. 157, notice n° 4330 (instrument de recherche imprimé dématérialisé dont la version intégrale est accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Autres dépouillement(s) :
Fichier Collèges et université de Paris au XVIe siècle.
2010-2012 Date de révision :
2009 Date de création de la notice :