Document d'archives : 'Maistre Denis Garret, prestre, maistre és ars, regent des escolles ... de Montbrizon, ... confesse avoir prins pour son...

Date : 1542 - 1542

Titre :

'Maistre Denis Garret, prestre, maistre és ars, regent des escolles ... de Montbrizon, ... confesse avoir prins pour son coadjuteur avecques luy, ésd. escolles et à l'exercice d'icelles, maistre Anthoine Genest, aussi maistre és ars, demourant ... rue Sainct Victor, ... et ce du jour et feste Sainct Jehan Baptiste prochainement venant jusques à troys ans ... ; [Suite de la description dans les informations complémentaires]

Contenu :

Informations complémentaires :

pendant lequel temps led. Genest a promis ... de lire journellement et faire les lecons ordinaires aux enffans desd. escolles, aux lieu et auditoire acoustumez et ainsi que ont faict par cy devant les autres regens et coadjuteurs desd. escolles, de instruire lesd. enffans en bonnes meurs et doctrines, bien et deuement, honnestement et modestement, comme il appartiendra, moyennant et parmy ce que led. Genest aura ... la moictié du gaing ... qui proviendra à cause desd. escolles et des gaiges acoustumez.

Et pour ce que de present n'y a aucune maison competente ausd. escolles et appartenant à icelles, à ceste cause led. Garret a promis ... de loger led. Genest en une chambre du millieu, appellée la salle, de la maison dud. Garret, vulgairement appelée du Tournere, en laquelle salle se tient à present me Anthoine Chrisotfle, coadjuteur desd. escolles.

Et si se servira de l'estude estant en lad. salle, le tout sans en payer aucun loyer, synon que led. Genest sera tant seullement tenu de faire les repeticions, journellement et durant led. temps, aux enffans demourans és maisons dud. Garret, sises en la rue desd. escolles, et ce en lad. salle ou autre lieu qu'il sera advisé ....

Et aussi de faire tenir norme ausd. enffans demourans ésd. maisons dud. Garret, à parler latin, desquelz enffans desd. maisons dud. Garret led. Genest en prandra tant seullement pareil prouffict que des autres demourans és autres maisons de lad. ville, suyvant ce present accord.

Et quant à l'autre moictié de tout led. prouffict, il sera ... aud. Garret.

Et seront partant tenuz lesd. Garret et Genest de porter chascun par moictié et en commun les fraiz qu'il conviendra et charges qu'il apartiendra de payer pour raison de ce ...'.

Origine de l'information :

Ernest Coyecque, Recueil d'actes notariés relatifs à l'histoire de Paris et de ses environs au XVIe siècle [étude XXXIII], t. I, 1498-1545 [3608 actes], Paris, 1905, p. 429, notice n° 2286 (instrument de recherche imprimé dématérialisé dont la version intégrale est accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).

2010-2012 Date de révision :

2009 Date de création de la notice :