Informations complémentaires :
sans ce qu'ilz puissent ne aucuns d'eulx jouer, durant led. temps, de leursd. instruments avec aultres non estans de ceste presente association et compaignye, sans le consentement de tous ceulx de lad. compaignye.
Et tout le gaing qu'ilz pourront gaigner quant ilz jourront ensemblement ou separement, sera party entre eulx egallement..., fors touteffoys que quant un, deux ou troys d'entre eulx jourront separement à festes ou bancquetz ésquelz n'y aura aucune aubaldes, le gain que en viendra ne sera subgect au commun, mais demoura seullement au prouf fict de ceulx qui auront ainsi joué sans aulbades.
Mais s'il y a aulbades, sera party en commun....
Touteffoys là où il se trouveroit que les quatre ensenblement ou separement jourroient à festes nuptialles, tout ce qu'ilz gaigneront icellui jour, avec aulbaldes et sans aulbades, ensenblement ou separement, sera party entre eulx en commun, egallement.
Mais s'il jouent separement, sans festes nuptialles ne aulbades, le gain qui en vendra ne sera aucunement subgect à raporter à la comunaulté.
Et oultre seront tenuz...eulx abiller honnestement, selon leur estat, et ce dedans le jour... de Pasques prouchainement venant.
Et si pourront associer avec eulx à ceste presente association telles aultres personnes d'icellui estat, pour parachever leur compaignye, aux conditions susd..., sans ce qu'ilz se puissent desister de ceste presente association sans le consentement de eulx tous ensenblement, sur peyne de trente escuz d'or soleil, à payer par chascun des contredisans et deffaillans....
Et si aprés l'un d'entre eulx ainsi avoir payé l'amende, telle que dict est, ung aultre second ou tiers ou aultre se voulloit aussi desister de ceste assosiacion, il payera aussi pareille admende, et oultre rendra ce qu'il pourroit avoir receu des amendes des premiers deffaillans...'.
Origine de l'information :
Ernest Coyecque, Recueil d'actes notariés relatifs à l'histoire de Paris et de ses environs au XVIe siècle [étude XXXIII], t. I, 1498-1545 [3608 actes], Paris, 1905, p. 361, notice n° 1894 (instrument de recherche imprimé dématérialisé dont la version intégrale est accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
2010-2012 Date de révision :
2009 Date de création de la notice :
