Furent presens en leurs personnes Marin Prevost, officier dans la petite escurie du roy, y demeurant rue de Richelieu, parroisse Sainct-Eustache, natif de Marlou, fils de feus Toussaint Prevost, vivant laboureur, demeurant à Sainct-Vaast, et de Louise Brillart, ses pere et mere, d'une part, et Anne Brillart, fille uzante de ses droits et fille de Daniel Brillart, chapelier à Paris, et Magdelaine de Santelet, sa femme, ses pere et mere, demeurant au faubourg Sainct-Germain, rue Princesse, d'autre part, lesquelles parties, en la presence de leurs parens et amis cy-après nommez, scavoir de la part dudict sieur Prevost, de Mathurin Boursion, orloger de la royne mere, des sieurs François et Jean Couvreur, pere et fils, armuriers du roy, amis, et de la part de ladicte Anne Brillart, assistée desdicts Brillart et sa femme, qu'il auctorize pour l'effect des presentes, pour ce presens et de leur consentement, des sieurs Jean-Baptiste Pocquelin, dit Molier, de Philbert Gassot, dit du Croisy, René Berthelot, dit du Parque, Edme Vilequin, dit de Brie, Charles de La Grange et Louis Bejare, amis, ont faict et accordé entre elles les traité de mariage, dons, douaires, promesses, conventions et choses qui ensuivent. C'est assavoir que lesdicts sieur Marin Prevost et Anne Brillart, futurs espoux, se sont promis et promettent prendre l'un l'autre par nom et loy de mariage, et icelluy faire et sollemniser en face de nostre mere sainte Eglise dans le plus bref temps qie faire ce pourra et qu'il sera advisé et deliberé entre elles, leurs parens et amis, si Dieu et nostre dicte mere sainte Eglise y consentent et accordent, pour estre lesdicts futurs espoux uns et commungs en leurs biens meubles et conquestz immeubles suivant la coustume de Paris. Ne seront neanmoins tenus des debtes et ypotecques l'une de l'autre faictes et créées avant la celebration de leur mariage, et, si aucunes y a, seront paiées et acquittées par celuy qui les aura faites et créées sur son bien sans que ceux de l'autre en soient tenus. En faveur du present contract de mariage ladicte Anne Brillart a promis apporter à sondict futur espoux la veuille de leurs espouzailles la somme de quatre cens livres tournois qu'elle a gaignée et espargnée, de laquelle somme moictié sera et entrera en ladicte communauté et l'autre moictié sera et demeurera propres à ladicte future espouse et aux siens de son costé et ligne; partant, a ledict futur espoux doué et doue ladicte future espouse de la somme de deux cens livres de douaire prefix pour une fois paier et sans retour, à iceluy avoir et prendre sur tous les biens dudict futur espoux qu'il en a obligé et ypotecqué; le survivant desdicts futurs espoux aura et prendra par preciput et avant-part des biens de leur communauté tels qu'il voudra choisir reciproquement jusques à la somme de cent cinquante livres tournoiz suivant la prisée de l'inventaire qui en sera faict et sans creue ou ladicte somme en deniers au choix dudict survivant. Sera loisible à ladicte future espouze et aux enffans qui naistront dudict futur mariage d'accepter ou renoncer à ladicte communauté et en y renonceant reprendre franchement ce qu'elle aura apporté audict mariage, ce qui luy sera addvenu et escheu constant iceluy par succession, donnation ou autrement, mesmes ladicte future espouse sesicts douaire et preciput cy-dessus sans estre tenus des debtes de ladicte communauté encores qu'elle y eust esté condemnée dont elle sera acquittée par les heritiers dudict futur espoux et sur ses biens. Promectans, etc, obligeans etc, renonceans etc.

Faict et passé à Paris, ès maisons des parties, l'an mil six cens soixante et un le vingt-six avril et ont signé exepté ladicte de Santelet qui a declaré ne savoir signer,.

Anne BRILLART Marie BRUNET LOUVAIN Marie RAVANE Marie RAGUENEAU Edme VILLEQUIN Catherinne LE CLERC F. LE COUVREUX M. C. DE LA DEHORS Marie HERVÉ M. BEIART G. HERVÉ BEJART OGIER (notaire) VERRIER DUPARC DU CROISY Jean LE COUVREUX Armande Gresinde BEJART J.B.P. MOLIERE ./. DE LA GRANGE Marain PREVOST Louis BEJARD BRILLART Mathurin BOURSION PAIN (notaire).

en marge :

Ledict Marin Prevost, nommé cy-endroict, recognoist et confesse que ladicte Anne Brillart, sa future espouze luy a apporté et d'elle confesse avoir receu ladicte somme de quatre cens livres tant en deniers qu'autrement ainsy qu'elle s'estoit obligée luy apporter par ledict contract dont il se contente et luy quitte. Promectant etc, obligeant etc; renonceant etc.

Faict et passé ès estudes le vingt-sept may mil six cens soixante et un et ont signé :

Anne BRILLART OGIER Marain PREVOST PAIN.

MC/ET/XLII/151

Acte coté en Réserve.

Madeleine Jurgens et Elisabeth Maxfield-Miller, , sur sa famille et sur les comédiens de sa troupe, Paris, Archives nationales, 1963, p. 357, notice n° CXXXII (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).Cent ans de recherches sur Molière

ou

Catalogue de la Réserve du Minutier central.

2009Date de création de la notice :

2011, 2015 (Marie-Françoise Limon-Bonnet)Date de révision :