« S'ensuyt la déclaration des cens, rentes, droictz, devoirs, prez, ysles, boys, vignes, terres et aultres possessions de la terre et seigneurie de Vyllaynes près Poyssy, appartenant à honorable homme et saige mon seigneur maistre Jehan Brynon, chancellier d'Alençon, seigneur de Medan, Beaulieu, Mygneaulx et dudit Vyllaynes. « Le seigneur de Villennes possédait : le droit de justice haulte, moienne et basse, prévost, greffier, sergens et aultres officiers pour l'exercice d'icelle ressortissant neument par devant le souz-bailly de Poissy, juge royal ; item, droit de hallage sur tous les batteaulx qui sont chargés sur la rivière de Seyne ès portz de la dicte terre de Vyllaynes, depuis la voye de Villiers, qui est près le clos des Dames de Poissy, jusques à la voye Portaizt au dessoubz de Triel en tirant vers Meulleht, qui est de deux deniers pour chacun batteau sur peine de l'amende en deffault de paiement ; item, droit de forage et rouage de baillier mesures et allignemens, four bannier, pressouer bannier avec le droit de voirie en toute ladicte terre, et tous aultres droitz qui peuvent competter et apartenir à seigneur justicier ; item, droit de garenne à congnins donnée et octroyée audit seigneur et à ses successeurs, seigneurs de Villaynes, par le roi Charles huytiesme, comme appert par lettres de Chartres en laz de soye et cyre ; et n'est ladicte terre de Villaynes en gouverne ne subgecte à la gouverne de Saint-Germain-en- Laye, ne aillieurs. »

E 1072

Papiers de famille