'Claude Therion, joueur d'instrumens, d'une part, et François Jullen dudict estat, d'autre part, demeurantz ensemblement ès faulxbourgs Saint-Marcel, en la Grande-Rue, parroisse Sainct-Estienne-du-Mont, confessent eulx estre vollontairement associez et associent ensemblement pour jouer de leurs instrumens en tous lieux et ainsy qu'ilz seront mandez et où ilz vouldront aller, pendant le temps et espace de deux ans à commencer de ce jourd'huy, pour, pendant ledict temps, partaiger esgallement le gain et proffict qu'ilz feront, sur lequel chacun à son esgard se nourrira et entretiendra et fournira d'instrumens. Et, en cas que par malheur de baterie ou mauvaise rencontre leurs instrumentz fussent cassez et rompus, en ce cas et que ce ne soit poinct par leur faulte, ils contriburont esgallement à la refection d'iceulx. Et ne se pourront despartir de la presente societté sans le consentement mutuel l'un de l'autre, à peine de trente livres tournoiz de peine commise que le contrevenant payera à l'autre incontinant le cas advenu. Car ainsy etc, promettans etc, obligeans chacun en droict soy, renonceant etc.

Faict et passé à Paris ès estudes des notaires soubzsignez, l'an mil six cent quarante-huict, le vingt-septiesme jour de febvrier et ledict Therion a declaré ne scavoir escrire ne signer et ledict Jullien a signé :

Françoy JULIEN (sic) D'ORLÉANS (notaire) NOURRY (notaire)

Documents du Minutier central concernant l'histoire de la musique (1600-1650), par Madeleine Jurgens, tome II [études XI à XX, 1900 actes], Paris, Archives nationales, 1974, p. 424 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).

2011 Date de révision :

2009 Date de création de la notice :