'...led. Lanusse... promect demener, faire et exercer..., soubz le nom dud. du Chemyn et non d'aultre, le faict et estat dud. mestier de barbier et cirurgien,... du jour Sainct Jehan Baptiste prochainement venant jusques à sept ans..., et tenir bouticle ou lieu ouquel led. Lanusse sera residant, et en prandra led. Lanusse tous et chascuns les fruictz..., aussi il sera tenu de payer et fournir à toutes choses qu'il conviendra..., à la charge... que led. Lanusse a promis... aud. du Chemyn de le loger en une chambre honneste, comme à son estat apartient, dedans la maison où led. Lanusse est et sera demourant..., lad. chambre non garnye, et encores... payer aud. du Chemyn..., par chascune sepmaine..., au jour de dimenche, douze solz tournois, à commancer le premier payement le premier dimenche que led. Lanusse commencera à joyr de lad. bouticque....

Et où led. Lanusse seroit aucunement empesché en lad. joyssance, led. du Chemyn en sera tenu prandre la garantie pour luy et de ce en acquicter led. Lanusse envers et contre tous.

Aussi où led. du Chemyn seroit tenu d'aucuns emprunctz ou guect, au moyen de lad. boutique, en ce cas led. Lanusse en sera tenu de l'en acquicter et garantir, et sans ce que led. du Chemyn y puisse pretendre aucun autre prouffit, ne pareillement que led. Lanusse luy peult demander aucun loyer de lad. chambre...'.

Ernest Coyecque, Recueil d'actes notariés relatifs à l'histoire de Paris et de ses environs au XVIe siècle [étude XXXIII], t. I, 1498-1545 [3608 actes], Paris, 1905, p. 636, notice n° 3488 (instrument de recherche imprimé dématérialisé dont la version intégrale est accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).

2010-2012 Date de révision :

2009 Date de création de la notice :