'Aujourd'huy est comparu par devant les notaires garde-nottes du roy nostre sire en son Chastelet de Paris, soubzsignez, François Gilliet, receu maistre puis nagueres en l'art et mestier de faiseur d'instrumens de musique en ceste ville de Paris, demeurant à Paris, rue Trassenonain, parroisse Sainct-Nicolas-des-Champs, confesse et declare par la presente que pour eviter à procès et differendz avec les maistres et jurez dudict art et mestier il a consenty et opté de faire, comme il a faict, une piece d'experience qu'il luy a esté ordonné par lesdictz maistres et jurez, en consequence de quoy il a esté receu maistre audict art et mestier tant par Monsieur le procureur du roy audict Chastelet depuis quinze jours en ça que par lesdictz maistres et jurez ce jourd'huy. Dont et de ce que dessus Regnault Piscot et Claude Lesclan, maistres et jurez dudict art et mestier en ceste ville de Paris, pour ce comparans, et ledict Gilliet ont requis et demandé acte ausdictz notaires qui leur ont octroyé ce present pour leur servir et valloir respectivement ce que de raison.

Ce fut faict, declaré, passé, requis et octroyé ès estudes desdictz notaires le mardy, après midy, trentiesme et penultiesme jour de juillet mil six cent trente et ont signé :

PISCOT LESCLAN Françoys GILLIET D'ESTRECHY (notaire) CONTENOT (notaire)

Documents du Minutier central concernant l'histoire de la musique (1600-1650), par Madeleine Jurgens, tome II [études XI à XX, 1900 actes], Paris, Archives nationales, 1974, p. 728 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).

2011 Date de révision :

2009 Date de création de la notice :