Document d'archives : Association de deux joueurs d'instruments pour une année.
Contenu :
Extrait du contenu :
'Furent presens Jacques Buffeteau et Innocent Pellocquin, maistres joueurs d'instrumens à Paris, demeurans rue des Arcis, parroisse Sainct-Medericq, lesquelz ont recongneu et confessé avoir faict entre eulx ce qui ensuict : c'est assavoir ledict Buffeteau avoir promis et promect audict Pelloquin de luy monstrer et enseigner la partie de taille de violon et à danser toute la danserie, du jour d'huy prochain venant (sic) en ung an et ce moiennant que ledict Buffeteau aura et prendra pendant ledict temps d'un an le tiers du gain que ledict Pelloquin fera du jeu tant de la taille que du dessus dudict violon, tant à nopces que autres lieux et occasions qui se presenteront.
Et, pour le regard du gain qui proviendra des escholliers tant de l'une que de l'autre desdictes parties ausquelz ilz monstreront à danser, icelles parties ont accordé et accordent partir et diviser ledict gain esgallement et chacun par moictié, et se sont lesdictes parties associez ensemblement pour raison de ce que dessus durant ledict temps d'un an, sans qu'ilz se puissent dessister d'icelle assotiation sans le consentement de l'une ne l'autre, et promis respectivement d'apporter ensemble fidellement le gain qu'ilz feront des choses susdictes, à peyne de trente livres que le deffaillant sera tenu payer à celuy qui n'aura entretenu, incontinant ledict cas advenu, comme aussy promectent respectivement de n'entrer en aucune bande l'un sans l'autre pendant ledict temps d'un an, soubz la mesme peyne que dessus.
Car ainsy etc., promectant etc., obligeant chacun en droict soy, renonceant etc.
Faict et passé ès estudes des notaires, l'an mil six cens six, le quatorziesme jour d'aoust après midy.
Jacque BUFFETEAU I. PELOQUYN DESNOTZ (notaire).
Origine de l'information :
Documents du Minutier central concernant l'histoire de la musique (1600-1650), par Madeleine Jurgens, tome I [études I à X, 1763 actes], Paris, Archives nationales, 1967, p. 353, notice n° VI (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
2011Date de révision :
2009Date de création de la notice :
Cote :
MC/ET/III/480
Inventaire d'archives :
Minutes et répertoires du notaire Simon FOURNIER, 1588 - 1er mars 1630 (étude III)