'Furent presens Jacques Groscoup, Jehan Prevost et Louis Mouchet, tous joueurs d'instrumens, demeurans savoir lesdictz Prevost et Mouchet rue du Murier et ledict Groscoup rue Traversine, parroisse Sainct-Estienne-du-Mont, lesquelz se sont vollontairement associez et associent ensemble ment, à commencer du jour de lundy gras dernier jusques à ung an ensuivant, à moictyé de perte et guain, à jouer de leurs instrumens sans aucun tort se faire l'ung à l'autre et à la charge de apporter à la masse par chacun jour tout le proffict que chacun d'eux aura faict pour estre partagé esgallement entre eulx, et sy quelque perte arrivoit en leurs instrumens estans ensemble ladicte perte sera portée esgallement. Et a esté aussy accordé que le premier desdictz associez qui se vouldra dessister et departir de la presente association il paiera en pure perte dix livres tournoiz au proffict des autres. Car ainsy etc, promectant etc, obligeant chacun en droict soy etc, renonceant etc.

Faict et passé l'an mil six cens quarante-deux le septiesme jour de mars ès estudes etc, avant midy et soit scellé; lesdictz Prevost et Groscoup ont declaré ne scavoir escrire ne signer et ledict Mouchet a signé :

Louis MOUCHET NOURRY (notaire) CHALON (notaire)

Documents du Minutier central concernant l'histoire de la musique (1600-1650), par Madeleine Jurgens, tome II [études XI à XX, 1900 actes], Paris, Archives nationales, 1974, p. 399 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).

2011 Date de révision :

2009 Date de création de la notice :