Informations complémentaires :
que l'on dira et comptera mil cinq cens quarante quatre, jusques à troys aultres ans prouchains aprés ensuyvans finiz et acomplyz, qui fineront aud. jour de Quaresme prenant que l'on dira et comptera mil cinq cens quarante sept... ; ... ilz se sont associez... à commun gain et prouffict de tout ce qu'ilz gaigneront à jouer de leurs instruments et musicque... en toutes nopces, festes, bancquetz et honnestes assemblées, et... pour ce faire, chascun d'eulx de sa part a promis... faire le prouffict de la compaignye, rapporter tout ce qu'ilz gaigneront et en tenir bon... compte..., sans aucune chose en receler, à peyne de perdre par celluy d'eulx qui aucune chose en recelera, la part et portion qu'il auroit en ce qui sera par luy recelé, et d'estre lors chassé et privé de lad. compaignye, si bon leur semble, sans y avoir ne prandre dés lors en avant, oud. cas, pour le temps qui en restera... à escheoir..., aucun gaing ne prouffict.
Nul d'entre eulx ne pourra jouer de instruments avec aultres non estans de leur compaignye, ne d'icelle eulx desassocier, sans l'exprés consentement de toute icelle compaignye.
Touteffoys là où les quatre joueront ensenblement, soit à bancquetz ou assemblées honnorables, le gain se partira moictié au prouffict de ceulx qui auront joué, et l'autre moitié au prouffict commun.
Mais s'il n'y en a que ung, deux ou troys, ilz ne seront tenuz en rapporter aucune chose.
Et là où les quatre joueront ensemblement en festes nuptialles, sans aulbades, le gaing qui en viendra, sera party en commun.
Et aussi là où y aura aulbades, ilz et chascun d'eulx seront tenuz et promectent faire rapport dud. gaing, aussi pour icelluy estre party en commun.
Et ce le tout faict à peyne de quarante escuz d'or soleil, à payer par celluy d'eulx qui contreviendra à ce que dict est, qui seront applicquez aux aultres observans lad. association, et ce incontinant le contredict et deffault advenu....
Et encores seront tenuz et promectent eulx habiller de livrée les ungs comme les aultres, honnestement, et ce incontinant et si tost qu'il sera convenu et accordé par la plus grande partie d'entre eulx... '.
Origine de l'information :
Ernest Coyecque, Recueil d'actes notariés relatifs à l'histoire de Paris et de ses environs au XVIe siècle [étude XXXIII], t. I, 1498-1545 [3608 actes], Paris, 1905, p. 346, notice n° 1817 (instrument de recherche imprimé dématérialisé dont la version intégrale est accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
2010-2012 Date de révision :
2009 Date de création de la notice :
