Document d'archives : 'Jhérosme Risse, vénitien, Grégoire Bauffre, Guy Desprez et Jehan Huet, tous à présent logez ensemble en l'hostel de Rens, rue du...

Date : 1549 - 1549

Titre :

'Jhérosme Risse, vénitien, Grégoire Bauffre, Guy Desprez et Jehan Huet, tous à présent logez ensemble en l'hostel de Rens, rue du Murier, lesquelz confessent eulx estre associez et promis l'ung à l'autre de jouer de toutes les gentillesses qu'ilz scavoient et pourront savoir, ensemblement et en leur art, en toutes et chacunes les villes, lieulx et pays qu'il leur plaira et adviseront entre eulx d'aller et jouer, et ce pour une année et demye, continuelle et ensuivant, commençant à ce jour d'huy..., sans ce que pendant led. temps ilz puissent laisser l'un l'autre, et auquel estat ilz seront tenuz de faire son debvoir, chacun en ce qu'il pourra ; [Suite de la description dans les informations complémentaires]

Contenu :

Informations complémentaires :

et se nourriront et logeront lesd. parties en commung et à commungs despens, sur les deniers qu'ilz pourront gaigner et qu'ilz pourront recepvoir et provenir à cause de leurs ars.

Et le prouffict qui en proviendra, lad. despence, logis, feu et lumière payez, se partira entre eulx..., moictié pour led. Jhérosme Risse seul et l'autre moictié pour led. Bauffre, Desprez et Huet, chascun par esgalle portion.

Et si est accordé entre eulx que où l'un d'eulx succomberoit en maladie, néantmoings que pendant sad. maladie, il gaignera et particypera au gaing comme sain, et si sera nourry sur la communaulté, sans ce toutesvoyes qu'ilz seroient tenuz payer aucune chose des médecins, barbiers, médecines et médicamens qu'il y conviendra, lesquelz seront payez aux despens seulz dud. mallade. Et où il y auroit aucun d'eulx qui ne vouldroit entretenir ce présent accord et association..., il sera tenu de payer aux autres... pour leurs dommages et intérestz... cinquante escuz d'or soleil, incontinant led. cas advenu. Et aura led. Jhérosme ung personnage jouant d'instrument, honneste, et payera led. Hyérosme son sallaire, sans que les autres y soient aucunement tenuz, sinon qu'il sera couché et nourry sur le commun...'

Origine de l'information :

Ernest Coyecque, Recueil d'actes notariés relatifs à l'histoire de Paris et de ses environs au XVIe siècle [étude XXXIII], t. II, 1532-1555 [3002 actes], Paris, 1923, p. 354, notice n° 5351 (instrument de recherche imprimé dématérialisé dont la version intégrale est accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).

2010-2012 Date de révision :

2009 Date de création de la notice :