Fut present Messire Pierre de Ronsard, aumosnier ordinaire du roy, lequel a dict que par cy-devant il a eu par les brevetz et placetz du roy quelque droict sur l'abbaye de l'Isle-Barbe, diocese de Lyon, de laquelle est à present pourveu en tiltre et paisible possesseur Messire Pierre d'Epinac, archevesque conte de Lyon, primat de France, et, partant, recongnoissant ledict sieur de Ronsard bonne foy et qu'il ne vouldroit travailler led. de Lyon ne luy bailler aucun empeschement en la possession de sad. abbaye, a led. sieur de Ronsard declaré, comme il declare par ces presentes, qu'il ne pretend aucun droict, tiltre, pension ou aultre reservation telle qu'elle soit en ladicte abbayé de l'Isle-Barbe, ses appartenances et dependances, soit par le moyen desd. brevetz et nomination du roy ou aultrement, ausquelz brevets, droictz et filtres qu'il pourroit avoir en lad. abbaye, ses appartenances et dependances, il a renoncé et renonce par cesd. presentes et s'en est entierement desparty et despart au profict dud. sieur archevesque de Lyon, absent, maistre Jehan Delour, son secretaire, à ce present, stipullant et acceptant avec les notaires soubzsignez pour led. sieur archevesque.

Comme aussy led. sieur de Ronsard a declaré encores et declare par cesd. presentes qu'il ne pretend aucun droict au prieuré Sainct-Pierre de Mornant, oud. diocese de Lyon, sachant bien et recongnoissant qu'il y a ung aultre titulaire que luy, auquel il ne veult et n'entend donner aucun empeschement non plus que aud. sieur archevesque en sad. abbaye, ores ne pour l'advenir, soit par luy ou aultre de par luy, se departant led. sieur de Ronsart de toutes promesses, obligations, conventions et concordatz qu'il pourroyt avoir faictz avec led. sieur archevesque ou aultres auparavant huy, tant pour le regard de lad. abbaye que dud. prieuré, affermant par iceluy sieur de Ronsart que n'a ceddé ne transporté sesd. droicts à autres personnes que ce soient, et, pour faire les susd. declarations et consentir partout où il apartiendra que led. sieur archevesque soit maintenu deffinitivement et demeure vray titulaire et possesseur paisible de lad. abbaye, a faict et contitué ses procureurs irrevocables les porteurs de ces presentes ausquelz et à chacun d'eulx il a donné et donne plain pouvoir et puissance de ce faire, et quictant etc, promectant etc, obligeant tous et chacuns ses biens, revenuz et temporel de ses benefices presens et advenir, renonçant etc.

Faict l'an mil cinq cens soixante dix-huict, le vendredi vingt-neufiesme aoust.

RONSAR DELOUR.

LE CAMUS [notaire] CADIER [notaire]

MC/ET/CXXII/118

Acte coté en Réserve.

Documents du Minutier central des notaires de Paris, Ronsard et ses amis [288 actes], par Madeleine Jurgens, à partir des dépouillements de Xenia Pamfilova, Paris, Archives nationales, 1985, p. 111, notice n° 24 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).

ou

Catalogue de la Réserve du Minutier central.

2009 Date de création de la notice :

2011 Date de révision :