Fut present en sa personne honnorable homme François Cocuel, maistre paulmier, bourgeois de Paris, y demeurant rue des Barrez, parroisse Sainct-Paul, lequel a recogneu et confessé avoir baillé et dellaissé, baille et dellaisse à tiltre de loyer et pris d'argent du vingt-deuxiesme jour des presens mois et an jusques à trois ans prochains après ensuivans finiz et accompliz, et promet garentir et faire jouir audict tiltre ledict temps durant à Denis Beys, Germain Clerain, Jean-Baptiste Pocquelin, Georges Pinel, Nicolas Desfontaines, Magdelaine Bejart, Magdelaine Malingre, Geneviefve Bejart et Catherine Bourgeois, tous associez pour la commedye, soubz le tiltre de l'Illustre Teastre, entretenu par Son Altesse Royalle, demeurans es faulxbourgs Sainct-Germain-des-Prez lez Paris, parroisse Sainct-Sulpice, à ce presens et acceptans, prenans et retenans pour eulx audict tiltre ledict temps durant, le jeu de paulme de la Croix Noire qui appartient à Monsieur de Parade et dont est principal locataire ledict Cocuel, sciz à Paris susdicte rue des Barrez, avecq les deux entrées et sortyes d'icelluy, l'une sur ladicte rue et l'aultre sur le quay des Ormes, plus et la cuisine deppendante dudict jeu de paulme et salle au-dessus avecq le bouge joignant et commoditté des aisances et puis de la maison, pour en disposer par lesdicts preneur pour faire la commedye, et à cet effet pourront lesdicts preneurs, dans ledict jour, faire porter leur bois pour dresser leur teastre, galleryes et loges, et les faire faire quant bon leur semblera avecq touttes les autres commodittez qu'ilz adviseront bon estre dans ledict jeu et autour d'icelluy sans incommoder les voysins, après qu'il sera au prealable faict ung estat sommaire de l'estat dudict jeu de paulme avecq lesdicts preneurs, pour, en fin du present bail, le restablir par eulx en bon et suffisant estat, comme il leur avoit esté baillé et prest à jouer à la paulme, et jusques à ce en payer par eux le loyer à la raison cy-des-soubz jusques à ce qu'il soit entierement restably comme dict est, sans qu'ilz puissent gaster ny desmolir aulcune des pierres du parterre dudict jeu de paulme pour quelque cause que ce soit, et sy tant est qu'il y en eust quelque unes de gastées ou rompues, seront pareillement tenuz les restablir et en mectre d'aultres à la place bonnes et recepvables, d'aultant que ledict Cocuel n'entend estre rien innové ny changé audict jeu mais au contraire qu'il soit, lorsque lesdicts preneurs en sortiront, de mesme forme et pareil estat que leur avoit esté donné et prest à jouer comme dict est à la paulme. Cestz presens bail et prise faictz à la reserve que faict ledict Cocuel du surplus des aultres logemens dudict jeu et de la commoditté des aisances et puis, avecq la joussance desdictes allées pour entrer et sortir esdicts lieux avecq la liberté du passaige de la cuisine, de luy et ses gens pour aller et venir quant il vouldra dans les caves dudict jeu de paulme, dont lesdicts preneurs n'auront aussy aulcune jouissance, et par lequel passaige ledict Cocuel pourra faire dessendre et porter ses bois et vin par la dessente desdictes caves qui est dans ladicte cuisine toutteffois et quantes il luy plaira sans qu'il en puisse estre empesché par lesdicts preneurs pour quelque cause que ce soit ; (...) ; sera permis audict Cocuel de faire faire une loge de huict à dix personnes au dernier estage dudict jeu pour veoir ladicte commedye et en user ainsi que bon luy semblera.

A ce faire est intervenue et fut presente Marye Hervé, vefve de feu Maistre Joseph Bejard, bourgeois de Paris, demeurant audict faulxbourg Sainct-Germain, laquelle s'est rendue pleige et caultion, (...)

MC/ET/XIX/430

Acte coté en Réserve.

Voir une description plus complète de l'acte sur l'instrument de recherche imprimé en ligne (rubrique 'Autres instruments de recherche').

Madeleine Jurgens et Elisabeth Maxfield-Miller, Cent ans de recherches sur Molière, sur sa famille et sur les comédiens de sa troupe, Paris, Archives nationales, 1963, p. 256, notice n° XXXVIII (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).

ou

Catalogue de la Réserve du Minutier central.

ou

Documents du Minutier central des notaires de Paris, Le théâtre professionnel à Paris, 1600-1649, étude par Alan Howe, documents analysés par Madeleine Jurgens et Alan Howe [457 actes], transcriptions par Andrée Chauleur et Pierre-Yves Louis, Paris, Archives nationales, 2000, notice n° 397 (instrument de recherche imprimé dématérialisé dont la version intégrale est accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).

ou

Documents du Minutier central des notaires de Paris, Écrivains de théâtre, 1600-1649, étude par Alan Howe, documents analysés par M. Jurgens et A. Howe, Paris, Archives nationales, 2005, notice n°50, 108.

2009 Date de création de la notice :

2011 Date de révision :