Qui « fais asçavoir à tos cax qui sont et qui seront, que il franchis et quict à tos jors, de totes tontes, et totes tailles, tos les hommes et totes les fames de Collomiers et de La Chastelerie, si cum la Prévostez de Collomiers se contient : es quex gie avoye taille, et tos les homes et totes les femes que de fors venront ester en la commune de Collomiers, par tel que gie auray en chacun dax, VI deniers dou muèble, chacun an, fors que en armeures et en robes, faites avec lor cors et en aisement d'hostel. Et est à sçavoir que vaissel où on met vin et tout aisément d'or et d'argement, seront prisié, chacun an, avec les autres muèbles et V deniers de la livre d'hétage : et s'il avenoit que aucuns de mes homes, ou de mes fièvez, ou de mes gardes venoient por demorer en la commune de Collomiers, li borjois de Collomiers n'en recevront nus, ce n'est par mon asentement, ou par ma volonté, etc. Et est à sçavoir que je retieng la garde et la jostice de mes Églises et de mes chevaliers, et de mes fiévez et de mes juifs, et telle manière, que se aucun de cax de Collomiers mesfeisoit à aucuns de cax que je retieng, c'est-à-scavoir as clercs, ou as chevaliers, ou as juifs, ou à mes fiévez dont plainte veinst à moi, gie l'adreceroie, et l'amende seroit moie, et seroit jugiée l'amende as us et as coustumes de Collomiers, par le major et par lez jurez. Et si est a sçavoir que gie les aurai nomez, et s'ils ne l'avoient esleu dedans la quinzaine gie mettroie l'un dax treize. Et chacun de la commune de Collomiers, qui aura vaillant XX livres, aura arbaleste en son ostel, et carriax (carreaux) jusqu'à L. Et est à sçavoir que li borjois de Collomiers cuiront et mourront à mes fors et à mes molins par autel marchié, cum as autres, » etc. (1 pièce, papier.)