estant en boys et savart, assise au terrouer de Rochefort et Fontaine, ou lieu dict Long Champ, parroisse dud. Sainct Michel, au dessoubz de la forge Soubz Glant et de la cense dud. Fontaine, pour y... édiffier de nouveau ung fourneau à fondre fer, maison, granche, halle, estable et autres choses nécessaires..., avec le cours de l'eaue de la rivière d'Arthoise, ou lieu dict Soubz Glant, passant au long desd. dix arpens, pour... servir aud. fourneau, comme bon luy semblera, pour le pris et aux charges... cy après décléréez et selon qu'il est porté par les lectres dud. bail, des jour et an susd., signé : Polliard et Conard.

Et pource que par lesd. lectres de bail auroit esté dict... que autres lectres s'en feroient... en bonne forme et la déclaration d'iceulx dix arpens de terre, avec les autres charges, conditions, poinctz et articles qui ne sont à plain décléréez par led. bail et lesquelz seront cy après spéciffiez,... led.... abbé... délaisse aud. tiltre... aud. Thomas de Canonne... lad. pièce de terre..., tenant d'une part aux pessis de Fontaines et à la rivière d'Artoize, d'autre part aux boys dud. Longchamp, aboutissant d'un bout aux bois de Barru..., pour... y construire..., sy construict... n'est, ung fourneau à faire fer, maison, halles et autres choses nécessaires aud. fourneau, le tout aux despens dud.... preneur..., moiennant... vingt livres tournois de loyer..., c'est assavoir aud.... abbé ... quinze livres tournois et ausd. religieux prieur et convent cent solz tournois pour augmentation de leur pitance... ; ... suivant sa requeste, il prendra sur les bois dud. Sainct Michel et Rochefort, apartenans ausd. religieulx..., et aussy sur les bois branslans et de nouveau concreust estans sur le terrouer dud. Sainct Michel et Rochefort ou ès francs bois dud. Sainct Michel, ou cas qu'il y eust empeschement èsd. bois de nouveau concreust, le bois qu'il conviendra pour faire construire... lesd. édiffices et les réparer, sans en paier aucune chose. Et pourra led. preneur... chercher et prendre myne de fer sur lad. terre de Sainct Michel, Rochefort et partout les autres terres et seigneuries desd. religieulx..., et sur icelles charger et mener tout ce qui luy sera nécessaire à raison dud. fourneau, en récompensant... deuement les détempteurs des lieulx où seront trouvées telles mynes.

Et où il trouvera myne commode et suffisante sur led. terrouer pour faire oeuvrer... led. fourneau, icellui preneur sera tenu prendre des boys dud. Sainct Michel, ou lieu le plus commode, pour le pris que lesd. religieulx... conviendront avec led. preneur....

Et où il adviendroit que dedans lesd. quatre vingtz dix neuf ans survint aucunes guerres ou pais qui est limitrophe, et en péril de guerres constinuelle et voisine, tellement que led. preneur ... et ayans cause fussent contrainctz de délaisser led. fourneau, ne sera icellui preneur ne sesd.... ayans cause tenuz ce pendant payer aucune reddevance de lad. ferme, et sy ne sera tel temps comprins èsd. quatre vingtz dix neuf ans..., et encores ne sera paié aucune reddevance de trois mois après telles guerres cessées, lesquelz trois moys ne seront pareillement comprins èsd. IIIIxxXIX ans. Davantage, où led. fourneau seroit bruslé et gasté ou desmoly à raison desd. telles guerres, lesd. religieulx... seront tenuz livrer aud. preneur ... bois branlant, prins ès francs bois dud. Sainct Michel, pour réparer et reddiffier de neuf led. fourneau, sans pour ce en paier aucune chose... Et aussy s'il avenoit pendant lesd. années icellui preneur eust deffaulte de myne et n'en peust commodément recouvrer, en sorte que led. fourneau demourast et ne peust plus besongner, en ce cas led. preneur ne sera plus tenu, se bon ne luy semble, paier... lad. reddevance..., mais pourront aussy, si bon leur semble, remectre... ès mains desd. religieulx... icellui fourneau avec lesd. ustancilles, pour en faire leur proffict. Et ou cas que led. preneur allast de vie à tres-pas auparavant led. terme finy..., en ce cas sa femme, ses héritiers ou ayans cause seront tenuz eus obliger, en pareilles lectres que ces présentes, envers lesd. religieulx..., six moys après led. trespas, à leurs despens, sans ce que touteffois lesd. lectres obligatoires qui seront tenuz de passer, leur puissent en riens préjudicier ou ingnover pour corrompre ce présent bail ny l'émologation ou décret, comme consent led.... abbé... en estre faict, par cesd. présentes, par le Sainct Siége... ou par leur supérieur, ains veult... que lesd. émologation, décret et confirmation que en fera faire led. preneur..., demeure en son plain et entier effect..., ainsy que sy led. preneur estoit vivant et possédant en personne les choses dessusd. durant led. terme. Et pourra led. preneur, pour seuretté de ces présentes, à ses despens, quant bon luy semblera, sur ce implorer... du Sainct Siège... et du supérieur... confirmation... de ce présent bail... Et au cas que led. preneur condescenderoit en nécessité de maladie ou pour aucunes de ses affaires qu'il ne peust ou voulsist tenir led. fourneau en ses mains, pourra bailler son droict à qui bon luy semblera, pourveu que se soit homme solvable, qui sera tenu soy obliger envers lesd. religieulx... en pareilles lectres que ces présentes, soubz ceste fin touteffois que au pris qu'il seroit délaissé aud. homme solvable, led. contrac, avec les conditions y contenues, que lesd. religieulx... seront les premiers refusans d'entretenir icellui, au proffict dud. preneur... Et est assavoir que à raison de la pauvreté, nécessité, réparation de lad. église Sainct Michel, qui est desmolye à cause des guerres, et aussy pour les vins dud. marché..., led. preneur a baillé ... aud. sr abbé vingt escuz soleil, ausd. religieulx dix escuz soleil, aux novisses ung angelot d'or et aux serviteurs de lad. maison cinq escuz d'or soleil...'.

Ernest Coyecque, Recueil d'actes notariés relatifs à l'histoire de Paris et de ses environs au XVIe siècle [étude XXXIII], t. II, 1532-1555 [3002 actes], Paris, 1923, p. 346, notice n° 5315 (instrument de recherche imprimé dématérialisé dont la version intégrale est accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).

2010-2012 Date de révision :

2009 Date de création de la notice :