Villeneuve-en-Chevrie. Pièces diverses réunies à l'occasion d'un procès entre le marquis de Blaru et le seigneur de Rosny, pour la propriété de la Villeneuve-en-Chevrie, dépendant de la seigneurie de Rosny. Par devant Nicaise le Munier et Estienne Boyleaue, clercs notaires jurés du roi au Châtelet de Paris, Béatrix de « Harecourt, » femme autorisée de Jean d'Ivry, dame de Rosny, donne à Yde de Bausart, femme de Jean de « Sacquainville, dit Sacquet, chevalier, seigneur de Blaru, chambellan du roy... et de Mons, le duc d'Orléans... cousine germaine de la dite madame Beautrix... le chastel, ville et seignorie de Rosny, appartenant à la dite madame Beautrix de Harecourt de son propre héritage, avecques toutes les terres, cens, rentes, prez, bois, caues, fours, moulins, fiefs, arrère-fiefs, revenues, droiz, appartenances et appendances... tant pour considération de la prochaineté et affinité de lignage, qui est entre les dites deux dames, qui, comme dit est, sont cousines germaines, comme afin que la dite madame Yde ait ou temps avenir mieux de quoy avoir et soustenir son bon estât, et que la dite madame Yde soit tenue de prier Dieu pour la dite madame Beautrix, et pour son âme ; à laquelle madame Yde, ycelle madame Beautrix, en ce cas, se attend plus » que à personne du monde de son lignage ne autre ; et sur telle manière et condition que se la dite madame Beautrix avoit, ou temps avenir, aucun hoir ou hoirs néz et procréez de son corps en loyal mariage, que les héritages et possessions cy-dessus nommez retournent, venront et appartendront de plain droit au ditz hoir ou hoirs ;... nonobstant ce présent don... Et d'abondant pour faire la ditte démission et toutes choses à ce nécessaires, la dite madame Beautrix... fist... ses procureurs généraulx... Maistre Robert des Plains (ou Planis), Guillaume de Geufosse, Martin Le Sage et Jehan de Marueil. » (10 octobre 1396.) « C'est l'adveu et dénombrement de la terre, chastelenie et seigneurie de Rony lez Mante sur Saine, que je Jehan de Meleun, le père, chevalier, seigneur d'Anthoing, de Caumont, de Maubray et de Rony, viconte de Gand, tieng du roy mon souverain seigneur, par foy et par hommage, à la coustume du Veuquessin-le-François. Le chastel, chastelenie, terre et seigneurie du dit Rony, ses circunstances et deppendences, à cause du chastel de Mante, nommé anciennement la Tour-du-Mont-Esprevier, laquelle m'est venue et escheue par le trespas de feue ma sereur, Elaine de Meleun, en son vivant contesse de Eu et dame du dit Rony. Et premièrement, du demaine qui est adprésent le chastel, place, porte fermant à pont-levis, clos de fossez, et la basse court, granges, coulombier à pié, masures, jardins, pressorier, vennyer, dedens laquelle basse court a une chappelle adprésent démolie, fondée en la révérence Nostre-Dame par mes prédécesseurs ; la ville, ainsy comme elle se comporte ; et devant la porte de la basse court y a ung grant jardin contenant deux arpens ou environ. Item, trente-six livres parisis de menus cens, revenans de présent à vingt-deux livres, receux audit Rony le jour saint Rémy. Item, huit livres de menus cens, qui se payent au terme de Noël, qui ne reviennent de présent que à quatre livres ou environ. Item, quatre sextiers et mine d'avoine, qui ne reviennent de présent que à trois mines et demy quartier, audit jour de Noël. Item, soixante pièces de poullailles, qui ne reviennent de présent que à dix pièces, audit jour de Noël. Item, deux muys d'avoine, deuz par chacun an audit jour de Noël par les habitans de Chauffour. Item, quinze arpens de vignes en plusieurs pièces, qui sont de présent en non valoir, réservé environ quatre arpens nommez la Plante, qui sont de présent en labeur. Item, deux cens soixante arpens de terre assis en plusieurs pièces à l'entour d'icelle ville de Rony, dont la pluspart sy est en friche et en bois. Item, ung gord en rivière de Seyne, et autres droiz, franchises et seigneuries en ladite rivière à l'endroit de ladite terre de Rony. Item, quarante sept arpens de pré ou environ, assis ès ysles de devant Rony et Guernes ? dont y a en nature environ de dix huit à vingt arpens, et le seurplus en buissons. Item, le patronnage et droit de présenter en la chappelle dudit chasteau. Item, en la forest de Chevrye, une pièce de bois contenant environ vingt-neuf arpens, appellé le Mont-Yvelon. Item, une autre pièce de bois contenant douze cens arpens ou environ, qui fut à la dame de Beaumesnil. Item, une autre pièce de bois contenant six cens trente arpens de bois, qui furent madame Ysabeau de Rony. Item, une autre pièce de bois, qui fut messire Pierre Mauvoisin de Rony, archediacre de Brye, contenant deux cens cinquante arpens de bois ou environ. Item, une autre pièce de bois qui fut mess. Mauvoisin, chevalier, contenant neuf vingtz arpens de bois. Item, plusieurs autres pièces de bois et terres labourables, qui sont entre la Ville-neufve en Chevrye et Blarru, au long du chemin par où l'on va de la Ville-neufve à Vernon et ou pays environ. Item, en la rivière de Seine, ou long et selon que icelle terre de Rony se comporte, les droiz et forfaicture, espaves, varistz, esterrissemens et attérissemens et autres drois des seigneuries et justice. Item, par toute ladite terre et seigneurie de Rony, j'ay garenne et tous droiz et prouffitz de garenne à toutes bestes et oiseaulx, et droit de chasse par toute la forest de Chevrye, avecques les franchises, seigneurie et prouffitz appartenant ad ce. Item, par tout ce que dit est toute justice haulte, moyenne et basse, fourches pastibulaires audit Rony, aubaines, confiscations, forfaictures, varitz et autres droiz ad ce appartenant et qui en deppendent. Item, toute la haulte justice d'une haulte rue assize à Espone au hault d'icelle ville, en laquelle souloit demourer Jehan Le Heudoyer. Item, la haulte justice d'une partie de Soindres. Item, toute la haulte justice des villes Ver et Villette. Item, toute la haulte justice, moyenne et basse de Boinville et appartenant à icelle. Item, six vingtz rosolles que doit chacun an le doyen de Grissicourt, aux termes de Noël et Pasques. Item, ung espérons dorez, que nous doivent par an les hoirs Philippe de Chemericourt, de Mante, et Jehan de Chauvincourt ; et sont leurs hoirs ou ayans cause sire Xristofle Grimont et Tassin Dunsin ; et sont lesdits espérons estimez à seize solz parisis. Item, cinq quartiers de séel sur ung muy de séel, que doivent tenir et tiennent de présent les huit vicaires de Notre-Dame de Mante. Item, la garde des prieurez et églises qui sont en ladite terre de Rony, et les droiz, prouffitz et usaiges qui des choses dessus dites appartiennent et deppendent. Item, droit de eaue tout ainsy que ladite terre de Rony se estend, et les amendes acoustumées. Item, audit lieu de Rony, bailly, procureur, receveur, sergens, forestiers, pour exercer la juridiction. Et se plus y a du demaine, dont je ne ay congnoissance par inadvertence ou autrement, je obéy de bailler, déclairer et advouer du roy, notre dit seigneur, aussy lost qu'il viendra à congnoissance. Item, ensuyvent les arière fiefz tenus de moy en plain fief, à cause dudit chastel et chastélenye dudit Rony. Premièrement, la seigneurie, ville, terres et appartenances de Ville-neufve en Chevrye ; et ou demaine de laquelle a pluseurs choses et parties, tant en cens, rentes, maisons, jardins, terres, bois, justice, garenne et autres droiz seigneuraulx, tant en la rivière de Seine comme par terre ; laquelle fut et appartient à Mess. Saquet de Sacanville, chevalier, seigneur de Blarru, à cause de madame Ydde de Beausart, sa femme, et de présent est en notre main par deffault d'homme et de devoirs non faiz. Item, la terre et seigneurie D'Espremont, que souloit tenir mess. Robert de la Borne (ou Boine), chevalier, à cause de sa femme, et de laquelle le demaine sy est en pluseurs parties, tant cens, rentes, justice, garenne, terres et autres droiz seigneuriaulx, et bois à l'extimation de six cens arpens de bois ou environ : laquelle terre et seigneurie s'y appartient de présent à damoiselle Ysabel du Mesnil Jourdain. Item, la terre et seigneurie de Buchelle, que souloit tenir mess. Jehan de Cronoil, à cause de sa femme, ou demaine de laquelle a pluseurs parties, tant en cens, rentes, terres labourables, champarts, vignes, affinances, pressouer à ban, terraiges, rouages, forages et autres droiz seigneuriaulx, et bois à l'estimation de six cens quarante arpens ou environ ; laquelle terre et seigneurie appartient de présent à ladite demoiselle Ysabeau du Mesnil Jourdain. Item, la terre et seigneurie de Fontenay Mauvoisin, que souloit tenir mess. Loys d'Orgeny (ou Orgevy), chevalier, ou demaine de laquelle y a manoirs, jardins, cens, rente, justice moyenne et basse, terre labourable, terraiges, forages et autres droiz et devoirs seigneuriaulx, et bois à l'estimation de sept cens cinequante arpens ou environ ; et de présent appartient la dicte terre et seigneurie à ladite Ysabel et Jacques d'Anfresville, escuier, son filz. Item, la terre et seigneurie de Ménerville, que souloit tenir messire Raoul Achez, laquelle est amortie à l'église Saint-Taurin, d'Evreulx, excepté la justice moyenne et basse, qui revient assement (à Apremont) et d'illec à Rony. Item, le fief et terre de Malassis, en laquelle a manoir, bois à l'estimation de sept arpens, terres labourables, jardins, cens, rentes, que souloit tenir Jehan de Manssigny, escuier, et de présent appartient à Bauduin Day, escuier. Item, la terre et fief du Mesnil Regnard, dont la demaine s'y est en diverses revenues, tant en cens, rentes, justice moyenne et basse, terres labourables, champars, bois, à l'estimation de six vingtz arpens ou environ, prez et autres droiz et devoirs seigneuraulx, que souloit tenir Philippot du Meisnil Regnart, et de présent appartient à Guillotin Caillot, escuier, et sa femme. Item, ung fief assis à Rony, auquel a demaine, cens, rente, justice moyenne et basse, travers, terres labourables, champars, pressouer à ban, terrage, forage et autres droix seigneuraulx, lequel fut Jehan de Saulx, et de présent appartient à Guillaume Dubois. Item, ung autre fief, assis à Mante, auquel appartient le huitiesme et neufiesme partie des acquiz et seel deuz par eaue et par terre, lequel fut et appartint à maistre Loys Sanguin, et de présent me appartient, et le ay uny à mon demaine par acquisition faicte par puissance de fiefs sur les Célestins, auquel il avait esté adjugé par décret en la cour de parlement. Item, ung fief assis à Mante, qui fut feu Jacques le Ventrier et Denis de Heugneville, à cause de leurs femmes, auquel appartient certaine portion de piez de porcs vendus à la boucherie de Mante, et certains deniers sur les boulenguiers de Mante, et sur l'acquit des Boursettes, lequel fut Guillemette la Ripernelle, et de présent aux dessus dits. Item, ung fief auquel a sept quartiers de vigne, qui fut à Estienne du Monstier, et de présent aux hoirs mess. Jehan Manterne (ou Manterue). Item, ung fief assis à Mante, qui fut Jehan le Heudoyer, auquel souloit avoir une maison assise en la rue de la Roche Pellecocq, qui souloit valoir six livres de menus cens, et de présent ne vient que à cinequante solz, lequel appartient aux Célestins de Mante, et n'est point amorti. Item, ung fief assis à Villette, auquel a demaine, cens, rentes, terres labourabies, prez, bois, justice moyenne et basse,, terrage, forage et autres droiz et devoirs seigneuraulx, qui fut messire Simon de Mont-Orgueil, et de présent aux hoirs de Pierre de Beauchamp. Item, ung autre fief assiz au dit lieu de Villette, auquel a cens, rentes, terres labourables, prez et bois, qui fut Robert Bretel, et de présent appartient ausdits hoirs. Item, ung autre fief assis audit lieu de Villette, auquel a certains prez, qui fut à ung nommé Picquot, et de présent appartient à maistre Jehan Ravaust (ou Ranaust), licencié en loix. Item, ung petit fief assis à Ver, auquel souloit avoir molin, lequel est de présent en ruyne, appartenant audit Ranaust. Item, ung fief assis entre Mante et Rony, appartenant à sire Denis de Landres, auquel fief a une pièce de pré, contenant sept quartiers, et certaines terres environ Rony et Gassicourt. Item, ung fief assiz à Flacourt, auquel a certaines terres appartenant à Jehan de Moranviller, escuier. Item, ung fief assis à Mante, auquel appartient ung muy de seel sur les acquitz du seel passans par dessoubz le pont de Mante, lequel est de nulle revenue pour le présent, pour ce que ledit acquit ne puet porter les charges qu'il doit, appartenant aux hoirs Jehan Brosset. Item, ung fief assis à Bonnelle, vaillant environ vingt cincq solz de menus cens, et aucunes terres labourables, lequel fut Jehan d'Escauville, et de présent à Denis d'Escaville, lequel souloit estre tenu de Rony, et de présent des Célestins, comme ayant le droit de Méry de Lerac. Item, ung autre fief assis à Mante sur la revenue des Boursectes, appartenant audit Denis. Item, ung autre fief assis entre Rony et Mante, qui fut Guillaume Postel, aquel appartient certaines terres qui sont en friche et non valoir, et est en nostre main. Item, ung autre fief assiz environ Rony et Mante, nommé le fief de Chambines, auquel appartient terres qui sont en nostre main. Item, ung autre fief qui fut Guillaume Oger assis en guerenne, où il y a plusieurs terres en friche, en nostre main. Item, un fief assis à Aspremont, qui souloit valoir quatre livres de rente, et de présent en non valoir, et en nostre main, et fut à ung nommé Jehan de Villeneufve. Item, ung fief assis à Sourdres (Soindres), auquel a maisons, terres et autres demaine, et le patronage de la chappelle de l'ostel de Lisle, qui fut Estienne du Moustier, et de présent à Guillaume le Franc, escuier, Carbonneau de Busca et leurs femmes. Item, ung fief assis à Ver, qui fut Simon Bataille, et est amorty, appartenant ausdits Célestins. Item, ung autre fief qui fut Beaumaistre, et est amorti. Item, ung fief assis à Sourdres, auquel souloit avoir manoir, cens, rentes, justice moyenne et basse, certains bois, terrage et forage, qui fut Guillaume de Belle, et de présent appartient aux hoirs damoiselle Gillette de Heugueville. Item, ung fief nommé le Chenoy de la Roche-Guyon sur Beszu, auquel a manoir, terres labourables, bois, cens, rentes, prez et autres appartenances, qui furent à Mess. Guy de Roche-Guyon, et de présent madame Marie, sa fille. Item, ung fief assis à Sourdres, qui fut mess. Nicolas Raoulin, chancellier de Bourgongne, nommé, et de présent à Denis de Landres, escuier, auquel a cens, rentes, justice moyenne et basse, terrage, forage et autres droiz et devoirs seigneuraulx. Item, ung autre fief assiz prèz Sourdres nommé Beau-Repaire, et illec environ, qui fut Jehan de Cabiel, auquel a justice, moyenne et basse, et fat audit Raoulin, et de présent audit de Landres. Item, ung autre fief assiz entre Mante et Rony, contenant trente deux arpens de terre en sablon, qui est en ma main. Item, ung autre fief assis à Sourdres, aux faulxbourgs de Mante, et en la forest de Chevrye y a environ cent solz de rente, bois, demaine, jusques à deux cens quarante arpens, qui fut Jehan Maulvoisin de Sorteval, et de présent audit Le Franc du Buscat et de leurs dites femmes. Item, ung fief assis en la garenne de Rony, qui fut Rogerin Siresmes, et de présent en ma main, par deffaulte d'homme. Item, ung fief assis en Courte-Manche, chastelenye de Ponthoise, auquel a haulte justice, moyenne et basse, cens, rentes, champars, manoir, terraige, foraige et autres droiz et devoirs seigneuraulx, qui fut à la dame de Monnette, et certains fiefz assiz à Bouconvillers, et de présent appartient à Jehan Dubois. Item, ung fief assiz à Advernes, chastelenie de Meulant, auquel appartient certaines dismes, et appartient aux Célestins, et est admorty. Item, ung fief assiz en la conté de Beaumont le Roger, nommé Sarquingny, qui fui mess. Pierre Mauvoisin. Item, ung fief assiz lez Sourdres, au lieu dit Fautrieulx et au Mesnil Aubry, auquel a certains bois jusques à quarante arpens, qui fut Jehan Pèlerin, et de présent est en nostre main comme dessus. Item, ung fief assiz Villette, auquel a ung molin, certains préz et quinze arpens de bois, qui fut Pierre de Mésiéres, et de présent appartient aux hoirs Pierre de Beauchamp. Item, ung fief assiz à Mante et illec environ, auquel a bois jusques à dix arpens, cent et demy de héranc saur sur l'acquit de la boitte du roy, qui fut Ricbart de la Vente, et de présent appartient aux hoirs Marguerite de Maussigny. Item, ung fief assiz à Villette auquel a demaine, cens, rentes, bois jusques à dix arpens, roage, forage et justice moyenne et basse, de présent appartient aux hoirs Gillette de Heugueville. Item, ung fiel assiz à Mante, auquel a certain seel sur les acquitz du seel passans par dessoubz le pont de Mante, lequel n'est de aucune revenue, pour ce que les acquitz ne puent porter les charges qu'ilz doivent, qui furent Jehan de Hannecourt, dit l'Abbé, et de présent à Loys de Femmichon. Item, ung fief assiz à Mante, de la revenue d'un muy de seel prins sur le seel des acquitz des basteaulx chargez de seel passans par dessoulz le pont de Mante, lequel est de nulle valeur, pour ce que les acquitz ne peuvent porter les charges, qui fut mess. Gille de Gallois, et de présent est en nostre main comme dessus. Item, ung fief assiz en la forest de Chevrye, ouquel a préz jusques à trois arpens, et bois jusques à quatre vinglz arpens, appartenant à Mess. Philippe de Trye. Item, ung fief assiz à Brassoul, auquel soubit avoir un molin à présent en ruyne, qui fut Pierre de Cahours, à cause de sa femme, et de présent en ma main comme dessus. Item, ung fief assavoir au Bois Robert, qui fut mess. Le Lon l'Estandart, et depuis à Guillaume l'Estandart, et contient seize arpens de bois et certaines terres labourables et champs. Item, ung fief assis à Ver, qui fut Marie le Greslée, et y a trois arpens de bois ou environ, et vingt quatre solz de menus cens sur plusieurs terres, qui sont en friche. Item, ung fief nommé Magnaville, auquel a manoir, cens, rentes, bois jusques à soixante sept arpens, prez jusques à dix arpens, terres labourables jusques à cent neuf arpens, rosoles jusques à trente, terraiges et autres droiz seigneuraulz, appartenant de présent à Denis de Landres. Item, un fief assiz à Sourdres, nommé Chasteau Poissy, que tient de présent Denis Scés de Mante, où souloit avoir place forte, tenu de moy en foy et hommage. Item, ung fief sans demaine que tient maistre Jehan Le Fèvre, demourant à Mante. Item, ung fief nommé le Vivier et appartenances qui fut Pillevoyne, et de présent Anlhoine Oudart. Item, le sire de Blarru ce qu'il a et tient en la forest de Chevrye, et grande partie de sa terre vers Blarru. Et desquelz fiefs sont tenus de moy en plain fief, et, en arrière-fief, du roy, mondit seigneur. Et fay protestacion que se plus en tieng, tant en demaine comme en fief, et arrière-fiefz, qui ne soit ci-dessus escript, je l'offre à bailler une autres fois, comme de présent, tantost que sera venu à notice et congnoissance. En tesmoing de ce jay signé ce présent adveu de mon seing, et scellé de mon seel armoyé de mes armes, le derrenier jour d'avril l'an mil quatre cens quatre vingtz » dix. (signé) J. de Meleun (avec paraphe). Procès-verbal de visite pour la vérification de bornage entre la seigneurie de Rosny, d'une part, et la seigneurie de Blaru, d'autre part, dans le fief de la Villeneuve-en-Chevrie. Les experts des deux parties doivent se réunir, le 7 avril 1491, devant l'église Saint-Nicolas de Ville-neuve-en-Chevrie. Quittances signées « Marie d'Alègre, » femme en premières noces de Hiéronime d'Arcona, et en secondes noces de Jean de Sabrevois, chevalier, sieur de Becthomas, Richebourg et autres places, pour les arrérages de son domaine viager, montant à une rente de 2500 livres tournois. La même « Marye d'Alègre, femme... de... Philippes de Béthune, chevallier, baron des villes de Schelles et Charotz, conseiller du roy..., cappitaine de cent hommes d'armes des ordonnances de Sa Majesté, demeurant en ceste ville de Paris, rue Thibault aux déz... » ratifie deux contrats portant quittance d'arréragé du douaire susmentionné. Ratification d'un de ces deux contrats par Marie de Grillet, veuve de Gaspard d'Arcona. Quittance de Philippe de Béthune (sign. et 6 mois autographes). Hiéronime d'Arcona, gouverneur de Vernon, reconnaît avoir reçu de Louise de Clère, veuve d'Adrien d'Arcona, et femme, en secondes noces, d'Henri de Presteval, capitaine d'une compagnie de chevau-légers', deux transactions en parchemin passées entre Hiéronime d'Arcona et François Joubert, écuyer, sieur de Chastillon et d'Houdainvillier, comme fondé de procuration de Philippe de Béthune et de Marie d'Alègre. Requêtes, productions de titres, consultations, mémoires, notes, lettres, etc., touchant le procès pour la propriété de la Villeneuve-en-Chevrie, qui n'était pas encore terminé définitivement en 1726, si l'on en juge par des délarations de membres de la famille de Tilly, qui avaient extrait du dossier certaines pièces, et notamment par celle du chevalier de Blaru, où il est dit, que le frère du chevalier, c'est-à-dire le marquis de Blaru, lui a remis, entre les mains, des grosses de cinq contrats de mariage, dont il a besoin pour faire des preuves de chevalier de Malfe, et « lesquèles (pièces) ont esté tirées des pièces produites au procès contre M. le duc de Sully et M. de Senozan ; et promet de luy remettre après la confection de (ses) preuves, ou plustot, s'il en est besoin, pour le jugement du dit procès. Fait à Paris, le douze avril mil sept cent vingt-six. »

E 3670

Papiers de famille