Informations complémentaires :
et aussi que led. de Bonlieu avoyt acheté lesd. marchandises de ses propres deniers.
Et aprés que lesd. marchandises furent arrivées en lad. ville de Peronne, ung nommé Germain Vyvyen, grenetier de Paris, et aultres qui estoient illec venu tous exprez pour les affaires dud. reverend à present evesque de Chartres, ... delivrerent lesd. marchandises à ung nommé Eloy de Wigmy, qui avoyt charge... de Eustace Le Doyen.
Pour lors et entre aultres luy fut baillé cinquante deux ballotz de toille blanche, quatre balles de canevatz, avecques ung tonneau de bonnetz, chemises et marroquins, pour mener..., soubz les sauf conduys desd. Le Doyen et Eloy, dud. lieu de Peronne en la ville de Vallenciennes et delivrer lad. marchandise à ung nommé maistre Anthoine Le Brum, qui avoyt charge dud. reverend à present evesque de Chartres ou de ses commis de recepvoir lad. marchandise, pour parfournir et payer la caution, qui estoit de douze mil livres tournoys, pour raison desd. permutations.
Et aprés que led. Eloy eut receu lad. marchandise, qui estoit conducteur d'icelle, allant et contrevenant à sa promesse et à ce qu'il debvoyt faire, feist arrester lad. marchandise par aucuns marchans des pays de l'Empereur, et ne fut pour lors lad. marchandise employée aux affaires dud. reverend evesque de Chartres, mais dict led. Durand... que... lad. marchandise n'a esté baillée... aud. Heloy que pour passage et que c'estoit pour employer aux affaires dud. reverend evesque de Chartres et que led. Heloy n'avoyt et n'a rien à lad. marchandise ; ... dict aussi led. Durand... que lesd. marchandises furent baillée... aud. Heloy par telle condition... que il ne la povoyt vendre ; ... dict aussi... que pour faire hotter la marchandise, ung nommé Fortier vint exprés aud. lieu de Rouen, ouquel lieu il feist promesse... aud. de Bon lieu qu'il luy feroyt dresser autant ou plus de marchandise qui luy en bailloyt et que icelle il feroit ramener par les chartier qui menoyent lad. marchandise.
Et dict aussi... que aud. moys de novembre... partit... en la compagnye dud. de Bonlieu jusques en lad. ville de Peronne, en laquelle... trouverent lad. marchandise chargée sur plusieurs chariotz pour mener... en lad. ville de Vallenciennes, et qui fut delivré, pour ce faire, par lesd. grenetier de Paris, Fortier et aultres, aud. Eloy Wigmy, pour employer comme dict est dessus.
Ce que led. de Bonlieu volut empescher, mais pour obvier aud. empeschement, fut de rechef promis aud. de Bonlieu par led. Fortier et aultres qu'ilz luy feroyent derechef autant ou plus de marchandise qu'il en bailloyt, et pour icelle ramener, feist led. Fortier marchander led. de Bonlieu ausd. chartiers..., ce que n'a esté faict par led. Fortier, mais s'en revindrent tous lesd. chartiers à wydes...'.
Dont acte, à la requête de Jean de Bonlieu.
Origine de l'information :
Ernest Coyecque, Recueil d'actes notariés relatifs à l'histoire de Paris et de ses environs au XVIe siècle [étude XXXIII], t. I, 1498-1545 [3608 actes], Paris, 1905, p. 136, notice n° 656 (instrument de recherche imprimé dématérialisé dont la version intégrale est accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
2010-2012 Date de révision :
2009 Date de création de la notice :
