Honnorable femme Claude de Longmont, vefve de feu honnorable homme Maistre Jehan Mousset, en son vivant procureur en la court de parlement, ou nom et comme tutrice et curatrice de Hierosme, Michel, Amable et Marie Mousset, enffans myneurs d'ans dud. deffunct et d'elle, et encores ou nom et comme soy faisant et portant fort en ceste partie de Baptiste Mousset, par lequel elle a promys et promect faire ratiffier et avoir pour agreable le contenu en ces presentes toutefois etc, Maistres Philippes Mousset, commys au greffe de la court des monnoyes et Jacques Moysson, tous bourgeois, demourans en ceste ville de Paris, confessent que combien que ce jourd'huy en faisant par eulx èsd. noms bail à noble homme Maistre Pierre de Ronsart, aulmosnier ordinaire du roy nostre sire, de la maison et lieux où souloit pendre pour enseigne l'Ange, assise sur les fossez d'entre les portes Sainct-Marcel et Sainct-Victor de ceste ville de Paris, à eulx èsd. noms appartenant, pour le temps et aux charges contenues et declarées oud. bail de ce faict et passé pardevant les notaires soubzsignez lesd. jour et an, ledict de Ronsart ayt par clause expresse portée par led. bail, promys de laisser loger en la seconde chambre en galletas du corps d'hostel du meilleu de lad. maison ceulx qui viendront pour y loger de la part des religieuses abbesse et couvent de Gif ou Val-de-Gallye, ensemble leur faire bailler et laisser une place pour ung cheval en l'estable dud. corps d'hostel, neantmoings, ont les dessusd. esd. noms promis et promectent chascun pour le tout, sans division ne discussion, renonçant, mesmes etc et encores lad. femme aux bénéfices de Veleyan Divi Adrian et autre si qua mulier à elle dictz etc audict de Ronsart, à ce present, ce acceptant, de l'acquicter et descharger de lad. promesse, mesmes de bailler et fournir à ceulx qui viendront de la part desd. religieuses, abbesse et couvent de Gif au Val-de-Gallye, logis et estable pour eulx y loger et leurs chevaulx autre part que en lad. maison et lieux dessus mentionnez, et ce à leurs fraiz et despens sans pour ce en demander aucune chose aud. de Ronsart ne qu'il en soit tenu rien paier. Promectant etc. obligeant chascun pour le tout etc, renonçant mesmes etc et encores lad. femme ausd. beneffices à elle cy-dessus exprimez, etc.

Fait et passé l'an mil cinq cens soixante-quatre, le jeudi cinquiesme jour d'octobre.

FARDEAU [notaire] PERIER [notaire]

[288 actes], par Madeleine Jurgens, à partir des dépouillements de Xenia Pamfilova, Paris, Archives nationales, 1985, p. 96, notice n° 17 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).Documents du Minutier central des notaires de Paris, Ronsard et ses amis

2009 Date de création de la notice :