A ce rouleau est attaché le suivant : « Information faite par Huon Boutellier, bailliu de Hesdin, en le presence des hommes de fief du castel de Hesdin, cest assavoir Pierron Le Maunier et Will. de Roume, sur ce que li baillius met sus a Enguerran Malin, que malicieusement il a caupe les arbres de le forest, liquel estoient plakie et signie, et autres qui estoient hors de le ligne de le vente Huon de Noielettes, et ychiaus arbres boutes a leviers dedens le vente, au pourfit du markant, et en subornant le droit de mons. le duc. Et depuis, couvert de terre les estos desdis arbres, malicieusement, aussi que en espece de larrechin. Et ce propose li baillius, afin que il fust justichies de sen corps comme lierres, ou au moins qu'il fust tenus de paier les damages et amende de XL mars, de LX lb., ou cele que li cours diroit. Sur ce, li dis Enguerrans cognut que il en avoit caupe I seul dedens le vente, et le sourplus nia et s'en mist en enqueste. » Témoins : Jehan de la Brayèle, Jehan Tarteron, Tassart Le Lateur, Colart Malart, Adam Le Gay, etc.

A 962, pièce 4

Actes du pouvoir souverain et domaine public